Eliona Pitarka nënë për herë të tretë - Njerëzit vërshojnë në kritika

Eliona Pitarka solli në jetë bebin e saj të tretë, duke zbuluar vetë lajmin përmes një videoje në Instagramin e saj. Në video, Eliona i ftoi komentuesit të hamendësonin gjininë e bebit, të cilin dhe vetë ajo tha se kishte vendosur ta zbulonte vetëm në lindje. Njerëzit shpërthyen në komente me kriktika se shfrytëzon fëmijët e saj vetëm për klikime, kurse ajo reagoi tërthorazi duke zbuluar vetëm disa orë më vonë se kishte lindur vajzë! 

Pajtohen Enca me Trejsi Sejdinin?

Aludohet se dyshja e vajzave kanë rregulluar marrëdhëniet me njëra-tjetrën që pas pëplasjes që patën prej kohës kur Trejsi Sejdini i bëri diss Encës në "Why Not" me Roza Latin. Prova për këtë gjë? Gocat ndiqen sërish në Instagram me njëra-tjetrën.

Megjithatë, Artemisa e kishte parë dyshen në Eagle Beat dhe na informoi se në asnjë moment nuk i pa të kishin ndonjë komunikim me njëra-tjetrën.

Egli nënshkruan kontratë të re me shtëpinë diskografike

Egli i ka hyrë seriozisht muzikës dhe përmes një fotoje të postuar zbuloi se label-i i saj tashmë është SBS Entertainment. Për ne që s'marrim vesh nga muzika, por dimë çdo gjë nga showbizi, kjo është e njëjta shtëpi diskografike ku është i nënshkruar dhe Luiz Ejlli.

Bes Kallaku fshin përgjithmonë Xhensilën nga jeta!

Besi e ka fshirë Xhensilën (në të gjitha kuptimet e fjalës) nga jeta e tij. Tatuazhi me inicialet e të dyve, që Besi e mbante në trupin e tij, është mbuluar përgjithmonë me një tjetër tatuazh.