Stine a.k.a “Bored King” flet për arsyet e daljes nga "Big Brother VIP"

Nga Andale
15 Janar 2026, 12:22

Stine a.k.a “Bored King” flet për arsyet e daljes nga "Big

Nuk pati asnjë dramë. Ishte thjesht një vendim i mirëmenduar kur flinte gjumë me sy hapur gjatë prime-eve.

I ftuar në “Big Brother Radio” me Elona Duro, Stine foli për herë të parë pas largimit nga "Big Brother VIP Albania 5". Artisti tregoi pse vendosi të largohej që në prime-in e 10 janarit, duke pranuar se dëshira për lojë thjesht i kishte ikur.

Ai tha se arsyeja që e kishte futur në shtëpi nuk ekzistonte më. U përpoq të përshtatej, por e ndjeu veten në vendin e gabuar. Pikë. Familja, vajza dhe bashkëshortja, Grazia, ishin prioriteti absolut dhe largimi, sipas tij, ishte zgjedhja më e mirë që mund të bënte.

Vendimi nuk ishte i momentit, por i menduar gjatë dhe nuk ka asgjë personale me produksionin apo me kastin.

Shtojcë: Ose Stine, inteligjent, e kuptoi që nuk kishte shumë gjasa ta fitonte Big Brother-in duke fjetur gjumë, duke bërë pompa apo duke thënë “s’kam asnjë koment”. Sidoqoftë, me atë menefregizmin e tij, Stine ishte #mood. Dhe le ta pranojmë: na kënaqte me sjelljet e veta, të cilat tashmë jetojnë të qeta në këtë video virale: