Në episodin e fundit të "Ome3Ome8", çunat e Andale zbarkuan në Vlorë për një tjetër eksperiment social: Real Life Tinder.

Këtë herë, gjithçka ishte ndryshe, përballë tyre nuk ishin vajza shqiptare, por tre të huaja simpatike, dy prej tyre nga Parisi dhe një nga Suedia. Dhe siç mund ta imagjinoni, ndonëse anglishtja s’ishte tamam “Oxford” nga djemtë tanë, u arrit një gjuhë e përbashkët.

Vajzat:

Jessica - elegante, me klas, pariziene.
Fafa - energjike, vibe boheme.
Vajza nga Suedia - e qetë, por shumë e ëmbël.

Djemtë përballë:

Flori - joshi me muskuj dhe vetëbesim.
Fatosi - “djali i lexuar”, që e kishte gjithmonë një libër (ose pretendonte).
Desi - sens humori që e shpëtonte nga gjithçka.
Xhastini - përpjekje e madhe, por jo gjithmonë me sukses.
Aldi - djalë i mirë, pa eksperienca, shyqyr që ishte simpatik.

Që në fillim, djemtë e treguan që anglishtja nuk ishte aleati i tyre më i madh. Përshëndetjet ishin të lezetshme, por kur filluan pyetjet...

Fundi si film romantik 

Pas disa raundesh me shumë përpjekje, shumë gabime gramatikore dhe pak flirt në gjuhë trupi, vajzat bënë zgjedhjet:

- Fafa zgjodhi Fatosin, duket se fjalët e librave funksionuan.
- Jessica zgjodhi Florin, trupi flet më shumë se fjalët.
- Suedezja i tha “po” Desit, humori ndërkombëtar s’ka barriera.

Xhastini dhe Aldi nuk u zgjodhën nga asnjë prej vajzave… por siç ndodh gjithmonë në “Ome3Ome8”, ata u zgjodhën nga njëri-tjetri. Shokë besnikë, u larguan me buzëqeshje dhe një “bro hug” që na kujtoi se dashuria vjen në shumë forma.

Ndiqeni më poshtë videon e plotë: